• पूजेची सुरुवात करण्यापूर्वी शरीराला, मनाला शुद्ध केले जाते. त्यासाठी आचमन-प्राणायाम केले जाते.
• त्यानंतर संकल्प केला जातो, ज्यामध्ये देवांना आमंत्रित करून मनातील इच्छा व्यक्त केल्या जातात.
• सर्वप्रथम गणेश पूजन करून नवीन कामाचे शुभारंभ केले जाते (प्रारंभ), त्यानंतर वरूण देवतेचे पूजन करून वातावरण पवित्र केले जाते.
• कुलदैवताची कृपा मिळावी म्हणून मातृका पूजन केले जाते. स्वर्गीय पितरांचे नांदी-श्राद्ध करून पूर्वजांचे स्मरण व सन्मान केला जातो.
• दिग्रक्षण करून पंचगव्य व ब्राह्मण पूजन केले जाते (संरक्षण), नंतर वास्तुमंडळ देवता स्थापन करून घरातील ऊर्जा संतुलित केली जाते.
• नवग्रह पूजन केले जाते (सामंजस्य) आणि रुद्रमंडळ देवतेची स्थापना करून घरात शक्ति व सकारात्मक ऊर्जा निर्माण केली जाते(शक्ति).
• घरातील गृहलक्ष्मी घरात प्रवेश करते व सर्व सकारात्मकता त्या रूपाने घरात येते.
• शेगडी ची पूजा करून दूध उतू जाऊ दिले जाते, होम हवन करून पूर्ण आहुती दिली जाते (शांती). शेवटी ध्यान करून आणि आरतीने पूजेचा समारोप केला जातो (समापन).

संपूर्ण विधी अंदाजे ३ ते ४ तास चालतो.